الحب الاليكترونى

الحب الأليكترونى

‏4 مارس، 2013‏، الساعة ‏05:14 صباحاً‏

الحب الأليكترونى
الكثيرين احبوا على الانترنت واكتشفوا بعد كدا انهم انخدعوا
 الشاب بيتكلم مع اكتر من فتاه والفتاه بتتعرف كل يوم على اكتر من شاب .

يعنى ايه الحب الاليكترونى؟؟!
دا ياسيادنا حب بين اتنين شاب وفتاه زى اى اتنين بس الجديد واللى هوا مختلف بردوا ان الاتنين دول بيكون بينهم جهازى كمبيوتر ووصله نت ومجال للشات والدردشه  وبتجمعهم كالعاده الصدفه ودا الشيئ المشترك بين الحب العادى والحب الاليكترونى .
..
فى الاول اى من الطرفين يطلب اضافه للاخر وبعد القبول بيحصل التعارف كلا منهم بيتكلم عن نفسه وعن طباعه ومبادءه واللى بيحبه واللى بيكره لحد ما يحصل التوافق المبدئى واللى على اساسه هيتكتب على الحوار الاستمراريه او عدمها
ووحده واحده يبدأ تعلق كلا منهم بالتانى وويتحول حوارهم شيئ اساسى كل يوم وزى عاده اساسيه أتعود عليها فى يومه من زمان ولو جه يوم واحد الطرفين تغيب ومحصلش الحوار اليومى يتحول الطرف الاول لحاله من الانعزاليه والوحده والحزن الشديد.
  والى أن يتطور الوضع ويعترفوا لبعض باهتماهم وحبهم
ودا طبعا فى اغلب الاحيان ممكن يحصل ويكون كلا الطرفين مخبى عن التانى حقيقه اسمه ووشخصيته!!
وبعد كدا يتتابع الحوارو الافعال اللتى تتشابه بالحب الطبيعى .. مسجات واغانى وغيّره وتحكم والى اخره ..
... ودا كله لحد ما ربنا يسهل ويتجوزوا ..
ودا طبعا على اساس انهم عاملين حاجه صح وان ممكن اللى مبنى على الحرام والغلط ممكن يجيلوا يوم ينجح بعد كدا !!

دى كانت الحكايه بالمختصر المفيد

السؤال اللى بيطرح نفسه


هل يمكن أن نعتبر هذا الشعور الناشئ في عالم افتراضي حب حقيقي؟

هل هو ظاهرة صحية وطبيعية؟ هل تتفوق إيجابياته على سلبياته أم  العكس ؟ ثم ماذا بعد مسلسلات الحب الالكتروني ؟ زواج واستقرار أم عشق ممنوع وخيبة أمل؟

الخلاصه بقى :-
دواعى الحب دا ايه ؟
_ البعد عن ربنا والتقصير فى عبادتنا  .. واللى بتخلى الاسباب اللى جايه موجوده

_الشعور بالوحده والملل وحاله الفراغ الشديده اللى بيعانى منها شبابنا الايام دى
_وطبعا السبب التالت اللى منقدرش نفصله عن التانى هوا صعوبه تحقيق الحب بالصفه الرسميه الشرعيه دلوقتى  ..
_النيه المسبقه فى تحقيق  الحب .. ودا طبعا لما بيذهبوا للبحث عن شريك الحب على الانترنت ودا بيبق طبعا تلبيه لاغراضه وانه عاوز يعيش الحب زى باقى شباب جيله .
_ واللى بيخلى الحب دا بينشأ اصلا .. ان الشاب والفتاه كلا منهم بيعتمد على طريقة الكلام والافكار وبيهملوا حاجات تانيه كتير مهمه جدا زى المظهر وطريقة التعامل فى الواقع والحياه الاجتماعيه والبيئه ووطبعا اختلاف الافكار والصفات اللى بتكون نظريات على النت وتطبيقها فى الواقع امر تانى خالص .
واسباب تانيه كتير

 ..
اللى عاوزين نقوله فى الاخر..
ااى حاجه بتخاف الناس تعرفها اوأنك تعملها قدام اهلك بالتحديد مؤكد الحاجه دى مش طبيعيه .. واللى مش طبيعى عمره ما يكمل للنهايه
زى ما بدا هينتهى

وتكون النهايه ... مع كل قصه حب اليكترونيه بتتولد القلب بيموت مع متها
والعواقب انك لما تصادف الحب الحقيقى المسموح بيه انك تعيشه بجد .. مش هتعرف تعيشه لان متعته انتهكت خلاص
لان القلب دا زى الشقه اللى كل شويه بيكسن فيها ساكن جديد ولما يمشى وييجى ساكن جديد يكون الساكن القديم دمر الشقه ولو حصل اى ترميميات هيكون الاساس مش موجود .. و الموجود بيكون الاساس المدمر والترميمات ودول الساكن الجديد هيعرف يستهلكهم كويس الى اخره  .
لكن لو الشقه ملك وبتاعتك ومحدش دخلها غيرك .. فهتستمتع بيها وهتعيش فيها احلى ايام حياتك من غير اى ترميمات قديمه تعكر عليك حياتك ..
..
زى مانت ما بتحب  مش بعيد يجى نصيبك مع وحده كدا حبت كتير قبلك

اتقى ربنا فى نفسك وفى صحتك وفى وقتك وفى قلبك حافظ عليه متخلهوش لعبه اى حد يلعب بيها شويه ويرميها لاى حد تانى يكمل عليها
اخلص لزوجتك اللى هتكون من نصيبك عشان فى غيبتك وقبل ما تكون هيه من نصيبك تكون مخلصالك
وفالاخر
الحب والزواج والرزق والابناء و و  و
دا كله نصيب ربنا كاتبه ليك
متستعجلش نصيبك .. متعرفش الخير فين وامتى ..!
متخليش غلطاتك تمنعك تستمتع بنصيبك

- (اللهم يسر لي رزقا حلال طيبا واجمع بيني وبينه من حلالك واجعله من نصيبي

في الحلال لا في الحرام ياذا الجلال والاكرام  ياالله ياكافي ياجليل

ياكفيل ياوكيل اغنني بلطفك الخفي ياكريم يارحيم.)
(اللهم اكفني بحلالك عن حرامك وبطاعتك عن معصيتك وبفضلك عمن سواك

ياالله يارحمن الدنيا يارحيم الاخرة يارب العالمين)